Partia Socialdemokrate (PSD) e cila drejtohet nga Dardan Molliqaj ka mbajtur sot aksion simbolik para ndërtesës së Qeverisë së Kosovës.

Para objektit të qeverisë ata kanë vendosur fotografinë e ish-liderit serb, Oliver Ivanoviq dhe një kurorë lulesh ku shkruan “I pikëlluar Albin Kurti”.

Përmes një video, kryeministri Kurti ka përkujtuar Oliver Ivanoviqin në 5-vjetorin e vdekjes, duke theksuar se ai ishte një person i përkushtuar për të luftuar për interesat e komunitetit dhe qytetit të tij.

Madje Kurti tha do të dëshironte se kujtimi i Oliver Ivanoviqit të mbetet i gjallë, “kujtimi i tij si një njeri që punoi për një të ardhme të qëndrueshme dhe për një Kosovë shumë etnike”.