Kompanisë punëkryese për rinovimin e Klinikës së Pediatrisë në QKUK, i janë  vjedhur 10 dyer. Kjo klinikë nuk ka informacione për rastin, e kompania ia ka lënë policisë në dorë këtë çështje.

Objekti i vjetër i Klinikës së Pediatrisë është i rrethuar me skele, shkaku i rinovimit.

Punimet që janë duke u kryer, lidhen me vendosjen e dyerve dhe dritareve të kësaj klinike.

Por, kompanisë punëkryese i doli problem.

Kompania që është duke rinovuar nga jashtë Klinikën e Pediatrisë, ka raportuar vjedhje të disa dyerve, që iu është bërë në vendpunishte.

Për këtë rast, informacione nuk ka Klinika e Pediatrisë. Sikurse as polica nuk ka dhënë më shumë detaje, përveç asaj që është thënë në raportin 24 orësh.

”Ankuesja femër kosovare ka raportuar se nga person/a të dyshuar të pa njohur janë vjedhur 10 copë dyer të ballkoneve. Rasti është duke u hetuar”, thuhet në raportin 24-orësh të Policisë së Kosovës.

Televizioni ka kontaktuar me përfaqësues të kësaj kompanie, por nuk kanë pranuar të flasin, pasi kanë thënë se e kanë njoftuar policinë.