Në rrugën Sallagrazhdë-Baqevc të dielën rreth orës 16:30 ka ndodhur një vetaksident ku 14 vjeçari L.Kurtishaj ka vdekur.

Sipas raportimeve të pakonfirmuara mësohet se 14 vjeçari ia kishte marrë babait veturën pamiratimin e tij dhe me ç’rast është aksidentuar.

“Rreth orës 16:30 min në rrugën Sallagrazhd-Baqevc ka ndodhur një vetaksident,nga rrotullimi veturës dyshohet për Një të vdekur Dy të lënduar! Sipas informacioneve viktima dyshohet të jetë 14 vjeç”, thuhet në njoftimin e Organizatës vullnetare të zjarrfikësit dhe shpëtimi.

Sipas zëdhënësit të policisë në Prizren Vesel Gashit, i cili ka thënë se njëri nga këta fëmijë ishte duke ngasur veturën në momentin e aksidentit.

“Kemi pranuar një informatë se mes fshatit Mushtisht dhe Sallagrazhdë, ka ndodhur një aksident trafiku ku një fëmijë ka humbur jetën dhe dy të tjerët kanë pësuar lëndime të rënda. Të lënduarit janë dërguar në spitalin rajonal në Prizren. Deri te aksidenti ka ardhur si pasojë e mospërshtatjes së kushteve rrugore. Viktima dhe dy të lënduarit dyshohet se kanë qenë rreth moshës 14-vjeç, ku njëri prej tyre ka qenë ngasësi i veturës”, ka thënë Gashi.