Nga një histori, në tjetrën, gjithnjë në qendër të vëmendjes sa u përket jetës jashtë fushe. Mauro Icardi është përsëri protagonist i thashethemeve. Pas përfundimit të trazuar të martesës me Wanda Nara, sulmuesi po i bën njerëzit të flasin për shkak të një interesi për Floppy Tesouro.

Të dy, në grup, kanë kaluar një mbrëmje të këndshme në një klub të njohur në Buenos Aires. Mauro filloi menjëherë ta ndiqte modelen në Instagram, ndërsa Tesouro nuk ia ka kthyer ende “follow”. Futbollisti i ka dhënë “like” edhe një fotoje sensuale të Floppy me bikini.

Megjithatë, vetë Tesouro ka sqaruar gjithçka. “E kuptoj që të qenit beqar i gjeneron këto gjëra, por ishte thjesht një foto me miqtë”, u shpreh ajo në një intervistë.

“Ne u takuam në Tequila, ndamë të njëjtën tryezë, sepse kemi miq të përbashkët. Mauro është një person shumë tërheqës, por dua të qëndroj jashtë situatave të caktuara. Ai është në proces ndarjeje të plotë, unë preferoj të qëndroj jashtë tyre”, ka shtuar më tej Floppy.

Kur gazetarja kërkoi një mendim për situatën mes Icardit dhe Wanda Nara, ajo u përgjigj: “Jam shumë e respektueshme si grua dhe si nënë. Preferoj ta shmang temën, që të mos keqkuptohem”. Floppy Tesouro, emri i vërtetë Florencia, është një modele dhe influencuese 37- vjeçare argjentinase. Ajo mori pjesë në “Gran Hermano”, ‘reality show’ që i dha një popullaritet të madh.