Federata Ndërkombëtare e Historisë dhe Statistikave të Futbollit (IFFHS) ka publikuar listën me emrat e 20 menaxherëve më të mirë të ekipeve përfaqësuese, ku pjesë e tyre është edhe Sylvinho i kombëtares së Shqipërisë.

IFFHS ka publikuar në këtë fundvit edhe kësaj radhe listat me më të mirët e kategorive, ku ndër ta edhe për trajnerët e përfaqësuesve, ku zë vend edhe Sylvinho, i cili e kualifikoi Shqipërinë në Euro 2024.

Trajneri brazilian është në mesin e 20 emrave të trajnerëve të shquar të përfaqësueseve, në listë me emra të mëdhenj si Didier Deschamps, Gareth Southgate, Roberto Martinez, Marcelo Bielsa dhe Lionel Scaloni.

Në këtë listë janë edhe Luis de la Fuente, Steve Clarke, Domenico Tedesco, Marco Rossi, Fernando Batista, Felix Sanchez, Jaime Lozano, Thomas Christiansen, Gregg Berhalter, Hajime Moriyasu, Juergen Klinsmann, Rui Vitoria, Avram Grant de Chris Hughton.

Kjo organizatë ndanë çmimet vjetore në secilën kategori, prej vitit 1987, ndërsa juria përbëhet nga anëtarë të IFFHS-së, gazetarë të sportit dhe ekspertët e futbollit nga 120 shtete në të gjithë botën.

Fituesi i secilës kategori, e në veçanti i menaxherëve do të publikohen në fund të muajit janar të vitit të ardhshëm.