Presidenti Ilir Meta ka publikuar në “Facebook” një foto të Ramush Haradinajt dhe vëllait të ndjerë Luan Haradinaj, i cili u vra gjatë luftës së Kosovës kur ishte vetëm 23 vjeç.

Kreu i shtetit ka shpërndarë të njëjtën foto që publikoi më herët Ramush Haradinaj, kur ky i fundit shfaqej me të vëllanë e ndjerë në qendrën e Tiranës.

“Heronjtë e Kombit kanë vetëm ditëlindje!

E paharruar vepra dhe gjaku i Luan Haradinaj! LAVDI! ”, shkruan Ilir Meta në postimin e tij.

Kujtojmë që më herët Ramush Haradinaj do ta përkujtonte me fjalë prekëse vëllanë, duke u shprehur se sot ai do kishte mbushur 47 vjeç mirëpo ai do të mbetet gjithmonë 23 vjeç për familjen dhe ata që e njohën.

“Luan, neve po na ikin vitet, e ti mbete i ri përgjithmonë. Linde dyzeteshtatë vite më parë, por për ne, mbetesh përherë njëzetetre vjeç, ashtu siç ke rënë për lirinë tonë. Urime vëlla, 23-vjetori i lindjes!”- shkruan Haradinaj në Facebook.