Si në Shqipëri, në Kosovë e mbarë shqiptarët në Ballkan edhe diasporë gjatë vikendit që lamë kanë shënuar Ditën e Pavarësisë së shtetit shqiptar dhe 28 Nëntorin – Ditën e flamurit kombëtar.

Kështu edhe shqiptarët në Zvicër gjatë vikendit të fundit dhe sot kanë mbajtur mbi 100 tubime festive në të gjitha kantonet dhe qytetet, ku festa kombëtare bashkoi shqiptarët e të gjitha viseve. Përveç në ambasada, restorante e shtëpi Ditën e 28 Nëntorit mërgimtarët në Zvicër e kremtuan edhe në shkolla, xhami dhe kisha, njofton gazeta zvicerane në shqip “Le Canton27.ch”.

Një manifestim i tillë mirëorganizuar u mbajt dje në xhaminë e shqiptarëve “Dituria” në Gjenevë. Kjo festë kombëtar që u mbajt në Gjenevë me rastin e 28 Nëntorit lirisht mund të themi se ishte manifestim qendror më i miri, me i përgatituri në Zvicër, madje edhe më mirë se ambasadat tona në këtë vend.

Themi kështu, sepse imami shqiptar në Zvicër Rijad Aliu me tirqi festoi Ditën e Flamurit me 300 plisa në xhaminë e Gjenevës.

“Kishin një program të pasur kulturor kombëtar e fetar me lutje, pastaj recitale e fjalime për vlerat dhe mesazhet paqësore dhe patriotike nga pejgamberi ynë Muhammed deri tek heronjtë tanë Skënderbeu dhe Adem Jashari”, shkruan gazeta zvicerane në shqip “Le Canton27.ch”.