Drejtori i përgjithshëm i Administratës Tatimore të Kosovës (ATK), Sakip Imeri, ka pritur në takim ambasadorin e Gjermanisë në Kosovës, Christian Heldt.

Në këtë takim Imeri e ka njoftuar ambasadorin Heldt për zhvillimet dhe aktivitetet e ATK-së, të cilat deri më tani kanë pasur performancë të lartë.

Po ashtu, drejtori Imeri ka falënderuar ambasadorin e Gjermanisë për bashkëpunimin e deritanishëm me organizatën GIZ, e cila administratën tatimore e ka mbështetur në ngritjen e kapaciteteve njerëzore, zhvillimet e tjera institucionale duke ndihmuar në ngritjen e njësive organizative dhe në modernizimin e disa proceseve të punës, të cilat kanë influencë të madhe në arritjen e synimeve të ATK-së.

/Epoka e re/