Kapiteni i Lazio, Ciro Immobile hodhi poshtë një ofertë fitimprurëse nga një klub saudit i paidentifikuar në mënyrë që të mbyllë karrierën e tij në Romë.

Ai ka shënuar 10 gola dhe ka asistuar 3 herë në 27 ndeshje në Serie A, duke luajtur rolin e tij në luftën e ekipit për një pozicionim në top-katërshe. Immobile ka shënuar vetëm një gol në dy muajt e fundit për Lazion, duke u rikthyer në formë pasi u përfshi në një aksident automobilistik muajin e kaluar, i cili e la atë me një dëmtim të lehtë të shtyllës kurrizore, një frakturë në brinjë dhe një problem në krah.

33-vjeçari ka një kontratë deri në vitin 2026 me Lazion dhe mund ta rinovojë përsëri pas këtij afati.