Indiana fitoi me rezultat 162-109 në fushën e Washington, duke u bërë skuadra që ka shënuar më shumë pikë në një ndeshje të vetme këtë sezon. Sfidë ku 9 lojtarë të Indiana realizuan mbi 10 pikë (Haliburton me 29 pikë më i miri) dhe 14 basketbollistë shënuan në koshin e skuadrës vendase.

Oklahoma mbetet skuadra më e mirë në NBA, duke qenë e para që kalon shifrën e 60 fitoreve këtë sezon. Ajo mundi me rezultat 125-104 Memphisin. Alexander Shai me 37 pikë ishte lider.

Fiton edhe Clevelandi, skuadra më e mirë në Konferencën e Lindjes, që falë 29 pikëve të Allen mundi me shifrat 124-116 San Antonion. Humbje në sekondën e fundit për Lakersat, që u mund me rezultat 19-117 nga Chicago. Një kosh i Giddey (25 pikë, 14 rebound, 11 asistime) nga mesi i fushës i dha fitoren Bulls. Fitorja e tretë radhazi për Miami, që mundi me rezultat 122-112 Atlanta (Tyler Herro 36 pikë), ndërsa Dallasi fitoi me shifrat 101-92 në fushën e Orlandos (Jaden Hardy 22 pikë).

Rezultatet

Cleveland – San Antonio            124-116
Orlando – Dallas                          92-101
Washington – Indiana                109-162
Miami – Atlanta                           122-112

Chicago – Lakers                         119-117
Oklahoma – Memphis               125-104
Utah Jazz – Houston                  110-121
Sacramento – Portland              128-107