“Jam vërtet krenar që kam mbushur tetë vjet si president i FIFA-s dhe jam jashtëzakonisht mirënjohës për të gjithë ata që kanë qenë pjesë e këtij rrugëtimi deri më sot”.

Këtë e ka nënvizuar presidenti i organizmit kryesor botëror të futbollit, Gianni Infantino, në përvjetorin e zgjedhjes së tij të parë. “Kur mora detyrën, misioni im ishte ta bëja futbollin global, të aksesueshëm, të sigurt dhe një vend mikpritës për të gjithë, me FIFA-n si pikën kryesore të kësaj lëvizjeje. Thashë se do ta ktheja futbollin në FIFA dhe FIFA-n në futboll dhe mbajta fjalën time”, nënvizoi menaxheri zviceran në rrjetet sociale.

“Edhe pse puna jonë nuk ndalet kurrë, kam kënaqësinë të ndaj se kemi bërë përparim të rëndësishëm në përmirësimin e shëndetit të lojës sonë të bukur në mbarë botën. Sot kjo është një mundësi për mua për ta parë suksesin e tetë viteve të fundit dhe për të marrë një moment për të njohur përgjegjësinë e madhe që kam për të vazhduar të punoj në emër të të gjithëve dhe për të zhvilluar më tej lojën tonë të bukur. Faleminderit dhe pres me padurim ta mbështes FIFA-n dhe futbollin në vitet në vijim!”, ka nënvizuar Infantino.