Të nderuar shtetas të Republikës së Kosovës në Baden-Würtemberg,

Ju drejtohemi shtetas të Kosovës që gjendeni për vizita familjare, punë apo çështje shëndetësore në landin Baden-Würtemberg dhe që nuk keni mundësi të ktheheni për arsye të Pandemisë dhe vendimeve që ka marrë Qeveria e Kosovës për ndalimin e fluturimeve për në Kosovë,

Ju njoftojmë se Ambasada e Kosovës në Berlin, së bashku me Konsullatat dhe MPJ dhe Qeverinë e Kosovës po punojnë vazhdimisht për të gjetur mundësinë e kthimit tuaj, sidomos të atyre që ju skadon viza dhe validiteti i Pasaportës.

Prandaj, ju lutem të përcillni njoftimet tona publike dhe në rrjetet sociale si dhe të na kontaktoni në numrin emergjent që të kemi mundësi të bëjmë një databazë se sa shtetas të Republikës së Kosovës janë në Baden-Würtemberg dhe kanë nevojë për t’u kthyer në Kosove.

Me nderime,

Imer Lladrovci,

Konsullata e Republikës së Kosovës në Baden-Würtemberg

Stuttgart, më 17.3.2020