Një raport tronditës, i publikuar së fundmi, bën me dije se presidenti i Kinës, Xi Jinping i kërkoi personalisht Drejtorit të Përgjithshëm të Organizatës Botërore të Shëndetit, Tedros Adhanom të vonojë paralajmërim global për kërcënimin nga COVID-19, gjatë një bisede që ata kanë zhvilluar në muajin janar.

Gazeta gjermane “Der Spiegel” i bëri publike këto akuza të rënda në fundjavë, duke përmendur të dhëna nga Shërbimi Federal i Inteligjencës, i njohur si BND.
Sipas BND, më 21 janar, lideri i Kinës Xi Jinping kërkoi nga shefi i OBSH-së Tedros Adhanom Ghebreyesus të mos e publikojë informacionin rreth transmetimit nga njeriu në njeri të koronavirusit dhe të vonojë një paralajmërimin për pandeminë.

BND vlerëson se politika e vonimit të informacionit nga Kina i humbi botës katër deri në gjashtë javë për të luftuar virusin./gazetashqip/