Të shtunën (28 dhjetor 2024), me fillim nga ora 12:00-17:00, në “Swiss Diamond Hotel” në Prishtinë mentorja Antigona Behrami do ta mbajë seminarin e radhës me titull “Zgjohu për lirimin e bllokimeve në lidhje me paratë”.

Menaxherët e saj kanë njoftuar për gazetën “Epoka e re” se për këtë seminar kërkesat e njerëzve për pjesëmarrje janë shumë të mëdha. Ata, gjithashtu, kanë njoftuar se shumë njerëz janë nisur nga qytete të ndryshme të botës, me aeroplanë dhe vetura, për të marrë pjesë në seminarin që do të organizohet të shtunën (28 dhjetor 2024), me fillim nga ora 12:00-17:00, në “Swiss Diamond Hotel”.

Ndërkaq organizatorja Antigona Behrami, librat e së cilës tashmë janë bërë best seller, u ka kërkuar falje të gjithë atyre që kanë shprehur interesim të marrin pjesë në seminar por, për shkak të kapacitetit të sallës së madhe, ka qenë e pamundur t’u bëhet vend të gjithëve. Megjithatë, ajo ka premtuar se në seminarin tjetër, që do ta organizojë në ndonjë sallë të madhe ose palestër sportive, të gjithë të interesuarve do t’u bëjë vend të posaçëm, sepse ashtu të posaçëm janë secili prej ndjekësve të saj në zemrën dhe mendjen e saj.