Mijëra të rinj kanë shprehur interesim për t’u bërë pjesë e Policisë së Kosovës.

Zëdhënësi i Policisë, Daut Hoxha, ka thënë për gazetën “Epoka e re” se deri në përmbylljen e konkursit për pranimin e zyrtarëve policorë (më 10 maj) janë pranuar rreth 17 500 aplikacione.

Ai ka treguar se ky numër mund të jetë më i madh meqenëse ende është në proces regjistrimi i aplikacioneve në sistem.

Kurse ish-drejtori i përgjithshëm i Policisë së Kosovës, Behar Selimi, u ka bërë thirrje institucioneve t’i plotësojnë të gjitha kërkesat e policisë lidhur me pagën dhe sigurimin shëndetësor.

(Shkrimin e plotë mund ta lexoni në numrin e sotëm të gazetës “Epoka e re”)