Skuadra e Interit e ka suspenduar mesfushorin Radja Nainggolan.

“FC Internazionale Milano mund të konfirmojë se Radja Nainggolan është  suspenduar përkohësisht nga aktivitetet futbollistike për arsye disiplinore”, thuhet në njoftimin e Interit.

Raportohet se Nainggolan është paraqitur me vonesë në seancën e sotme stërvitore të zhvilluar në mëngjes. 30-vjeçari u transferua nga Roma gjatë verës për 38 milionë euro plus Nicolo Zaniolo, por nuk po tregon ndonjë impakt.