Prokurorja e Zyrës së Prokurorit të Specializuar (ZPS) në Gjykatën Speciale, në konferencën për ecurinë e çështjes për ish-krerët e UÇK-së, Hashim Thaçi, Jakup Krasniqi, Kadri Veseli dhe Rexhep Selimi, ka bërë me dije se kanë intervistuar tre dëshmitarë ndërkombëtarë dhe kanë nxjerrë materiale që lidhen mbi akuzat që rëndojnë mbi ish-krerët e UÇK-së.

“Kemi marrë pëlqimin lidhur me deklaratën e tre dëshmitarëve ndërkombëtarë, ndërkohë kemi dokumente në përjashtim të një dokumenti që do ta shtjellojë pak në vonë.  Materialet e tjera që lidhen me dëshmitaret që kanë qenë objekt i kërkesave për ndryshim ose i palëve të treta janë marrë dhe janë nxjerrë gjithashtu”, ka thënë prokurorja..

Ajo ka theksuar se nuk kanë në plan që të nxjerrin materiale të tjera para datës 1 nëntor të këtij viti.

“Nuk planifikojmë që të nxjerrim paketë tjetër të dokumenteve përpara datës 1 nëntor. Besojmë që të gjitha materialet që i kemi pasur në zotërim deri më tan i kemi nxjerr. Nuk parashikojmë masa të tjera, kërkesa për masa të tjera mbrojtje që kanë të bëjnë me materialin”, ka thënë ajo.

Më tutje, prokurorja dha detaje edhe për dokumentet dhe dëshmitarët që janë konsultuar gjatë kësaj kohe.

“Ka disa dokumente të tjera, pak dokumente që do të duhet të marrim pëlqime. Kemi një provë materiale të një eksperti ndërkombëtarë për të cilin nuk kemi marrë pëlqimin për këtë arsye ne jemi në kontakte të vazhdueshme me ofruesin e informacionit në mënyrë që të marrim këtë pëlqim”, ka thënë ajo.