Interi po zhvillon një tjetër sezon shumë të mirë me Simone Inzaghin, teksa është në garë për titullin kampion me Napolin. Strategu italian është shprehur se të gjithë lojtarët kanë kontribut të vlefshëm, duke kujtuar se edhe falë atyre kanë ardhur sukseset.

Në mesin e tyre, sipas Inzaghit, është edhe Kristjan Asllani. “Frattesi, Carlos Augusto dhe Asllani janë sekreti ynë. Pa ta nuk do të kishim vendosur në fanellë yllin e dytë. Në ndeshjet që kanë zëvendësuar lojtarët e tjerë nuk është ndier mungesa e titullarëve”, ka thënë Inzhagi. Në fitoren 4-0 në fushën e Lecces, Kristjan Asllani u përfshi si zëvendësues, ndërsa në takimet e fundit ka treguar se është një lojtar që mund ta zëvendësojë më së miri Calhanoglu.