Inter mposhti me rezultat 0-1 Sparta Pragën. Me 16 pikë në 7 javë, tani Interit i mjafton vetëm një pikë në sfidën e fundit kundër Monacos për të kualifikuar direkt në fazën e 1/8.

Simone Inzaghi, trajneri i Inter, u shfaq i kënaqur për këtë sukses, ndërsa nuk harroi as t’i dilte në krah Kristjan Asllanit, i shumë kritikuar këtë periudhë: “Jemi shumë pranë një rezultati të madh. Na duhet vetëm një pikë, por e kemi vetë në dorë fatin tonë. Kjo nuk ishte e lehtë, por kemi zhvilluar 7 ndeshje në mënyrën e duhur. Jam shumë i kënaqur me paraqitjen e djemve, i bëra komplimentet e mia”.

“Asllani? Po bën gjëra të mira, po punon shumë mirë. Sigurisht mund edhe të gabosh ndonjë ndeshje, por ai është gjithnjë gati. Ai punon shumë, nëse nuk do të ishte ndëshkuar me të verdhë do ta lija më gjatë në fushë. Unë kam shumë besim tek ai, edhe shoqëria”, u shpreh Inzaghi.