Interi ka njoftuar se trajneri Simone Inzaghi ka rezultuar pozitiv me COVID-19 më herët gjatë ditës së sotme.

Trajneri 45-vjeçar italian është tashmë i izoluar në shtëpinë e tij dhe po ndjek procedurat e përcaktuara në protokollin shëndetësor. Ai do të shpresojë të rikuperohet në kohë për ndeshjen e parë të Nerazzurrëve nga pushimi ndërkombëtar kundër Milanit më 6 shkurt.

Kanë mbetur vetëm 12 ditë deri në një nga ndeshjet më të rëndësishme të Derby della Madonnina, kështu që Inzaghi ka një shans të mirë për të kthyer një test negativ në kohë për ndeshjen, shkruan footballitalia.

Nëse trajneri italian do të rezultojë pozitiv përpara derbit, ai do të qëndrojë në komunikim të vazhdueshëm me stafin e tij gjatë ndeshjes, gjë që është parë kur trajnerët e tjerë kanë rezultuar pozitivë me COVID.

Varianti omicron po bën sërish kërdi në futbollin italian, duke detyruar një numër lojtarësh të izolohen dhe kufizimet e qeverisë kanë kufizuar përsëri numrin e spektatorëve të lejuar brenda stadiumeve në vetëm 5000.