Ministria e Inteligjencës e Iranit ka bërë me dije se ka arrestuar 27 anëtarë të një rrjeti terrorist nën dyshimet se kanë planifikuar sulme gjatë Muajit të Ramazanit.

“Grupi ka bërë komplot për të kryer operacione terroriste në Teheran dhe disa qytete të tjera”, është thënë në një deklarate Ministria e Inteligjencës.

Sipas saj, grupi ka kërcënuar kombin e nderuar të Iranit me “hakmarrje dhe vrasje”.

Ministria e Inteligjencës ka theksuar se ka konfiskuar edhe një numër të madh të armëve dhe municionit.

Irani është një objektiv kyç për xhihadistët sunitë, të cilët e shohin shumicën e tij shiite si të pafe.

Irani gjithashtu ka luftuar drejtpërdrejt me grupin militant Shteti Islamik dhe Al-Kaidën në Irak dhe Siri. (Rel)