Një cisternë kimike u godit nga një dron i nisur nga Irani në Oqeanin Indian të shtunën, thotë ushtria amerikane.

Pentagoni tha se anija Chem Pluto u godit “370 km nga brigjet e Indisë” në orën 10:00, raporton BBC, transmeton Klankosova.tv.

Si pasojë e këtij sulmi, në bord ka shpërthyer zjarr, i cili është shuar. Nuk ka pasur viktima.

Irani nuk ka komentuar. Kohët e fundit ka pasur një seri sulmesh me dronë dhe raketa mbi anijet në Detin e Kuq nga rebelët Houthi të mbështetur nga Irani në Jemen.

Në një zhvillim të veçantë, Komanda Qendrore e ShBA (CENTCOM) tha se të shtunën “dy raketa balistike kundër anijeve Houthi u gjuajtën në korsitë ndërkombëtare të anijeve në Detin e Kuq Jugor nga zonat e kontrolluara nga Houthi të Jemenit. Asnjë anije nuk raportohet të jetë prekur nga raketa balistike”.

Ai gjithashtu tha se anija luftarake USS Laboon që patrullonte zonën “rrezoi katër dronë ajror pa pilot me origjinë nga zonat e kontrolluara nga Houthi në Jemen, që ishin në hyrje” në anijen amerikane.

Rebelët, të cilët kontrollojnë pjesën më të madhe të Jemenit, pretendojnë se synojnë anijet e lidhura me Izraelin mbi luftën e vazhdueshme në Gaza.