Irani është tërhequr pjesërisht nga marrëveshja bërthamore me fuqitë e mëdha nënshkruar në vitin 2015.

Presidenti iranian Hasan Rohani ka thënë se motivi kryesor i këtij vendimi është tërheqja vitin e kaluar e Shteteve të Bashkuara.

Ai po ashtu kritikoi vendet evropiane se nuk kanë përmbushur premtimin për të kompensuar dëmet që i kanë shkaktuar Teheranit, sanksionet e reja amerikane.

Rohani ka deklaruar se vendi i tij do t’i rikthehet pasurimit të uraniumit brenda 60 ditëve, nëse nga ndërkombëtarët nuk ka asnjë reagim.

Vendimi erdhi një ditë pasi Shtetet e Bashkuara dërguan një aeroplanmbajtëse në ujërat e Gjirit.