Në mbledhjen e sotme të Kryesisë së Lidhjes Demokratike të Kosovës (LDK), Isa Mustafa ka dhënë dorëheqja nga posti i kryetarit të partisë.

Burime të “Epokës së re” kanë thënë se Mustafa ketë vendim e mori gjatë mbledhjes së Kryesisë së LDK-së.

Pas pak pritet që LDK-ja të konfirmojë zyrtarisht dorëheqjen e Mustafës nga pozita e kryetarit.

Dorëheqja e Mustafës vjen pas rezultatit të dobët të LDK-së në zgjedhjet e 14 shkurtit.

LDK-ja në këto zgjedhje ka marrë rreth 13 për qind të votave.

Ky rezultat i dobët i LDK-së vjen edhe pas largimit të Vjosa Osmanit, e cila në zgjedhjet e 14 shkurtit ka qenë e përfshirë në listën e Lëvizjes Vetëvendosje.