Ish-ambasadori i Kosovës në Maqedoninë e Veriut, Gjergj Dedaj, ka thënë se viti 2022 është një vit i mbrapshtë dhe i dështuar për Kosovën.

Dedaj ka numëruar në “Facebook” dështimet e qeverisë Kurti.

Ai ka theksuar se ky pushtet ka dështuar në të gjitha aspektet.

“Dështimi i pushtetit në Kosovë, ngecja e procesit të negociatave, injorimi i ngritjes së pagave për mësimdhënësit, ikja e kuadrit profesionist jashtë vendit dhe zbrazja masive e Kosovës, kriza energjetike dhe ngritja e çmimeve, kolapsi dhe nepotizmi në diplomaci, mosnjohja e Kosovës nga asnjë vend, instalimi i monizmit dhe diktaturës, kapja e shtetit dhe shkarkimet politike, tendencat për të kontrolluar policinë dhe drejtësinë, keqpërdorimi i pushtetit për të dëmtuar rivalët politikë, situata e rëndë në veri të Kosovës, gjendja alarmante në shëndetësi,arsim dhe në diplomaci, si dhe shumë dështime të tjera, e bëjnë vitin 2022, si njeri ndër vitet me të mbrapshta dhe me të dështuarit që nga pas lufta në Kosovë”, ka shkruar Dedaj.