Ish-deputeti i LV-së: I kërkova Kurtit që të mos i prishte marrëdhëniet me Shqipërinë
Ish-deputeti i Lëvizjes Vetëvendosje, Fatmir Humolli, ka rrëfyer se i kërkonte Albin Kurtit të mos i prishte marrëdhëniet me Shqipërinë.
Humolli ka deklaruar se Kosova pa Shqipërinë nuk do të ekzistonte, andaj kërkonte nga Kurti të jetë më i kujdesshëm.
“Politikisht, i kam kërku mos me ndërtu konflikte artificiale, duke u nis prej brenda shoqërisë së Kosovës e duke u nis me Republikën e Shqipërisë, për arsye se ne pa Republikën e Shqipërisë, Kosova do të ishte zhdukë moti. E tash me injoru shtetin amë. Është shtet që neve na ka mbrojtë, na ka mbajtë në krizën më të madhe, na kanë strehu gati 1 milionë qytetarë tonë…” , u shpreh ai për InDoks.
Konflikti mes Kurtit e Ramës nis pikërisht në kohën kur kryeministri kosovar ua mësyu kutive të votimit në prill të 2021-s.
Teksa fushata elektorale po vazhdonte në Shqipëri, sikur të mos mjaftonte vrulli që ajo mori atje nga rivaliteti i PD-së me PS-në, dhe LSI-së që merr hise, në të tash ishte futur edhe Albin Kurti, kryeministër i Kosovës.
