Ish-deputeti shqiptar në Parlamentin e Serbisë: Qasja e Vuçiqit mund të sjellë luftë qytetare
05 mars 2025
| 07:52
Trazira ndodhën dje në Kuvendin e Serbisë.
Tym e flakë, u pa brenda sallës e krejt kjo u shkaktua nga opozita atje, në kundërshtim të politikës së presidentit Aleksandar Vuçiq.
Në fillimet e seancës shumica parlamentare miratoi rendin e ditës me 62 pika, përshirë atë për ndryshimet në Ligjin për Arsimin e Lartë, dhe konstatimin e dorëheqjes së kryeministrit Millosh Vuçeviq.
E krejt për këtë ngjarje, në Klan Kosova foli edhe ish-deputeti në Kuvendin e Serbisë, Fatmir Hasani.
Sipas Hasanit, qasja e Vuçiqit do të sjellë luftë qytetare atje.
“Sepse është mjaft kokëfortë. Edhe Ana Bërnabiq është kokëforte dhe shoviniste”, deklaroi ai.
