Ish-deputetja e Kuvendit të Kosovës, Besa Ismaili nga PDK-ja ka njoftuar se ka nuk ka arritur votat e mjaftueshme që të jetë deputete.

Ajo ka thënë se punën e saj me qytetarët për të drejtat e njeriut, do t’i vazhdojë jashtë Kuvendit.

“Një betejë e humbur për mua nuk është një luftë e humbur. Një kauzë e papërmbushur, nuk është kauzë e shuar. Një amanet i parealizuar për mua nuk është një përpjekje e zmbrapsur. Përkundrazi! Punët e dobishme në parlament dhe komision për të drejta të njeriut, do t’i vazhdoj tutje, me ju, pranë jush, asnjëherë papushuar”, ka shkruar ajo në një postim në “Facebook”.