Ish-deputetja e Kuvendit të Kosovës, Besa Ismaili, ka komentuar situatën e tanishme të LDK-së sa i përket qëndrimit të saj në raport me koalicionet për formimin e institucioneve të dala nga zgjedhjet e 9 shkurtit.

Ajo ka shkruar në “Facebook” se LDK-ja është rrugës së vjetër.

“LDK-ja rrugës së vjetër. Sillet se është me institucionet dhe kundër keqqeverisjes, jo për individët. Realisht përherë ka të bëj me individë, u shërben individëve dhe vetëm emrave të përveçëm, e assesi republikës, unifikimit, institucioneve dhe qeverisjes së mirë”, ka shkruar Ismaili.

LDK-ja tashme ka shpalosur qëndrimin e saj me kushte sa i përket koalicioneve: hynë në koalicione vetëm nëse qeverinë e drejton vet.