Armando Broja është kthyer në një nga zbulimet e këtij sezoni në futbollin anglez, duke shënuar 12 gola me Southamptonin në të gjithë kompeticionet e duke treguar se mund ta mbajë ritmin e një kampionati të rëndësishëm si Premierë Liga edhe pse në një moshë të re.

Pakkush e priste një shpërthim të tillë, por duket se një emër shumë i njohur i futbollit anglez si Jamie Redknapp, ish-lojtar i Liverpoolit e Anglisë, e kishte parashikuar gjithçka shumë vite më parë. Emri i Brojës tani qarkullon vazhdimisht në studiot e emisioneve sportive në Angli dhe duke folur në “Sky Sports News”, ish-futbollisti i Arsenalit dhe Anglisë, Pol Person, zbuloi se në një bisedë me Redknapp disa vjet më parë, kishte dëgjuar për Brojën, kur ai ishte ende pjesë e akademisë së Chelseat.

“Jamie Redknapp më tregoi për të tre, katër vjet më parë. Më tha ‘është ky lojtar te Chelsea, një djalë shqiptar, i cili me siguri do të arrijë në majë’”, ka treguar ai bisedën që kishte pasur me Redknapp, një nga emrat që ka lavdëruar gjithmonë Brojën për paraqitjet e tij.