Ish-ministri i Tregtisë dhe Industrisë, Bajram Hasani, ka thënë se ideja që ‘Trepça’ të hyjë në bisedimet Kosovë-Serbi është e papranueshme.

Ai përmes një postimi në llogarinë e vet në “Facebook”, ka shkruar se bërja pazar me pasuritë e Kosovës nuk duhet të lejohet në asnjë mënyrë.

“Mjaft kemi humbur nga këto bisedime. Një njeri që e do vendin e tij nuk do të pranonte me asnjë kusht ta vë në dyshim pronësinë e Trepçës. Me Serbinë nuk negociohet. Siç keni filluar, jeni në rrugë për t’ia falur Serbisë çdo gjë të vlefshme. Sot e negocioni ndarjen e Trepçës, nesër e falni Ujmanin e pasnesër një pjesë të territorit të Kosovës….”, ka shkruar ish-ministri Hasani.

/Epoka e re/