Serbia ditë më ia kishte ndaluar hyrjen në vend ish-ministres malazeze të Integrime Evropiane, Jovana Maroviq.

Pas këtij ndalimi në Aeroportin e Beogradit “Nikolla Teslla”, ish-ministrja Maroviq i është përgjigjur presidentit serb, Aleksandër Vuçiq duke thënë se nuk do të shkoj në këtë vend derisa ai të jetë në pushtet.

“Derisa jeni ju të jeni në pushtet, unë nuk do të vij më në Serbi. Liria ime e lëvizjes dhe e shprehjes nuk varen nga mëshira e askujt”, ka shkruar Maroviqi në rrjetin social “X”.

Po ashtu, pas këtij veprimi të autoriteteve të Beogradit ka reaguar edhe presidenti malazez Jakov Milatoviq, duke thënë se Maroviq nuk paraqet kërcënim për sigurinë.

“Jam i befasuar që asaj iu ndalua hyrja në Serbi, veçanërisht duke pasur parasysh angazhimin e saj shumëvjeçar në sektorin civil si në vend ashtu edhe në rajon. Jam i sigurt që Jovana nuk është kërcënim për sigurinë”, ka shkruar Millatoviqit

Për një kohë të gjatë, Maroviq ishte subjekt i shkrimeve të tabloideve në Serbi, për shkak të pikëpamjeve të saj të deklaruara publikisht, në të cilat ajo është sulmuar brutalisht nga këto medie.

Ajo ishte ministre e Integrimeve Evropiane të Malit të Zi dhe zëvendëskryeministre në qeverinë e Dritan Abazoviqit.

Maroviqi ka dhënë dorëheqjen nga të gjitha pozitat politike në fund të nëntorit të vitit të kaluar. /Telegrafi