Ish-bashkëshortja e pastrehë e yllit të “Baywathc”, Jeremy Jackson, është kapur sërish nga paparacët duke mbledhur ushqim në kazanë mbeturinash dhe duke shtyrë karrocën që mban gjithmonë me vete.

38-vjeçarja është fotografuar kësaj radhe në Los Angeles. Loni Willison mbante veshur një palë xhinse, një bluzë të zezë me lule dhe një palë pantofla. Ndërsa në kokë kishte një kapele të zezë bejsbolli.

Ish-modelja u pa gjithashtu duke ecur me një karrocë, e cila e ka shoqëruar atë kudo gjatë këtyre viteve që është e pastrehë. Kjo nuk është hera e parë që ajo është parë në një gjendje të tillë.

Edhe më herët gjatë vitit, Loni është fotografuar duke kërkuar gjëra në kazanët e mbeturinave e duke fjetur rrugëve të qyteteve të ndryshme. Mediat e huaja shkruajnë se ish-modelja e fitnesit, e cila ka qenë e pastrehë që prej vitit 2016, ka shfaqur probleme serioze më shëndetin mendor.