Ish-presidenti i Shqipërisë, Alfred Moisiu, ka thënë se vendimi i Qeverisë Haradinaj për taksën 100 për qind ndaj Serbisë ka qenë i duhur, kurse ideja për korrigjim të kufijve ka qenë e rrezikshme.

Ai ka thënë se Kosovës po i bëhet padrejtësi sa i përket çështjes së liberalizimit të vizave.

Moisiu në një intervistë për “Kosovapress”, ka thënë se Qeveria e re e Kosovës duhet të jetë largpamëse sa i përket çështjes me Serbinë, duke gjetur mënyrën për marrëveshje me shtetin fqinj.