Ish-reporteri i Tanjugut, Nebojsha Radosheviq, ka thënë se për ish-presidentin Hashim Thaçi, ka dëgjuar pas lirimit të tij nga Ushtria Çlirimtare e Kosovës (UÇK) dhe ishte njoftuar nga policia serbe.

“Për Thaçin mbase për herë të parë kam dëgjuar kur policia në mënyrë publike tha se Thaçi ishte komandant i Ushtrisë Çlirimtare e Kosovës, kur policia lëshoi arrest për të. Kam dëgjuar më vonë, pasi jam liruar”, ka thënë Radosheviq.

Po ashtu, dëshmitari e ka pranuar se në asnjë deklaratë të tij të mëhershme të dhënë në hetuesi, nuk e ka përmendur që kushëriri i tij, gjenerali Dushan Samargjiq e ka njoftuar për një përgjim që i është  bërë gjatë luftës në  Kosovë, të një bisede të telefonike në mes të Hashim Thaçit dhe Adem Demaçit.