Dy aktorët e famshëm të “Hollywood”-it, Angelina Jolie dhe Brad Pitt, e kanë treguar në çdo moment se janë prindër shumë protektiv. Edhe pse kanë qenë në qendër të vëmendjes për shkak të betejës së tyre ligjore për kujdestarinë e fëmijëve, shumë burime pranë të dyve kanë zbuluar se ish-çifti dëshiron më të mirën për fëmijët.

Madje së fundmi ka folur edhe ish-truproja i tyre, Mark Billy Billingham, i cili ka zbuluar se kur Brad dhe Angelina ishin të martuar, shqetësimi i tyre më i madh ishte siguria e fëmijëve. Ai ka punuar për çiftin e famshëm 1 vit e gjysmë dhe ka shtuar se puna me ta ishte një përvojë e mrekullueshme.

“E vetmja gjë që më befasoi gjatë bashkëpunimit me ta ishte mënyra se si ata menaxhojnë kohën e tyre, se si ata kanë kohë të mjaftueshme për familjen e tyre, për punën, deri në marrjen e aktiviteteve bamirëse”, tha Billy.