Ish-lideri i Proud Boys, Enrique Tarrio, është dënuar me 22 vjet burg për orkestrimin e sulmit në Capitolin e SHBA-ve, më 6 janar 2021.

Ky është dënimi më i gjatë i dhënë deri më tani një drejtuesi për sulmin, pasi ligjvënësit amerikanë po vërtetonin fitoren e presidentit Joe Biden.

Tarrio, 39 vjeç, nuk ishte në Washington gjatë trazirave, por ndihmoi në organizimin e përfshirjes së grupit të ekstremit të djathtë.

Më shumë se 1 mijë e 100 njerëz janë arrestuar nën akuzat për trazirat e Capitolit.

Rebelët kishin dalë në mbështetje të presidentit të atëhershëm, Donald Trump, i cili vazhdon të refuzojë humbjen e zgjedhjeve të vitit 2020.

Trump ka premtuar se do të falë shumicën ose të gjithë protestuesit, nëse ai rizgjidhet president në vitin 2024.

Tarrio u dënua për komplot kryengritje, një akuzë të kohës së Luftës Civile në SHBA dhe akuza të tjera në maj.

Përpara se të mësonte fatin e tij të martën, një Tarrio emocionues i kërkoi falje policisë dhe banorëve të Washington DC për rolin e tij në

“Unë jam jashtëzakonisht i turpëruar dhe i zhgënjyer që atyre u shkaktuan pikëllim dhe vuajtje,” i tha ai gjykatës federale të Uashingtonit. “Do të më duhet të jetoj me atë turp për pjesën tjetër të jetës sime”.

Tarrio, i veshur me një uniformë burgu portokalli, shtoi: “Unë isha armiku im më i keq. Mendja ime më bindi se isha viktimë e shënjestruar në mënyrë të padrejtë”.

Duke pranuar se Trump kishte humbur zgjedhjet presidenciale të nëntorit 2020, Tarrio tha: “Unë nuk jam një i zellshëm politik. Dëmtimi apo ndryshimi i rezultateve të zgjedhjeve nuk ishte qëllimi im. Unë nuk mendoja se ishte e mundur të ndryshoheshin rezultatet e zgjedhjeve”.

“Të lutem më trego mëshirë”, iu lut Tarrio gjyqtarin. “Të kërkoj që të mos më marrësh të 40-at”.

Në një moment më parë, ai mund të shihej duke fshirë lotët nga sytë e tij, ndërsa nëna e tij i kërkoi gjyqtarit butësi.

Por vendimi për të ishte i prerë.