Ish- ushtari i Ushtrisë Çlirimtare të Kosovës, Albert Bucolli, i cili tashmë jeton dhe vepron në Gjermani, duke parë rrjedhën politike dhe përzgjedhjen e kandidatëve për deputet dhe përfaqësimi i tyre në Kuvendin e Kosovës, ka pyetur nënat e dëshmorëve, të martirëve e të viktimave se a i ka nderuar Kosova bijtë tuaj.

“Çfarë mendoni ju nënat e dëshmorëve, të martirëve e te viktimave? A i ka nderuar Kosova bijtë tuaj?”, ka shkruan në ‘Facebook’, ish-ushtari Bucolli.

Postimi i plotë i Bucollit:

Çfarë mendoni ju nënat e dëshmorëve, të martirëve e te viktimave? A i ka nderuar Kosova bijtë tuaj?

Shihni, çudituni e tmerrohuni. Është deputet i Kuvendit të Kosovës por ka vetëm 4 vjet shkollë.

Kur e kujtoj Komandant Adem Jasharin, Komandant Fehmi Lladrovcin, Ilaz Kodrën Asllan Fazliun, Bejtë Rexhepin e Rasim Kiqinen, më vjen në mendje masakra e Jasharajve, e Reqakut, e Poklekut, e Abrisë e Izbicës. Por edhe shumë e shumë masakra tjera.

A thua, a ja ka vlejtë gjithë kjo sakrificë e gjithë ky gjak i derdhur për t’i dhënë mundësinë që të ulen në Kuvendin e Kosoves krejt këta të paditur etë pashkollë, tash e 20 vjet pas luftës? .

Kuvendi i Kosoves është shembulli më i ultë një Kuvendi në krejt Bashkimin Europian.

Politika, korrupcioni dhe aftesimi i juaj joprofesional, janë vet muri qe e izolon popullin e Kosovës.