Ibadete Canolli-Kaçiu, ishte një ndër ushtaret më të reja të Ushtrisë Çlirimtare të Kosovës.

Ajo si 17-vjeçare veshi uniformën e UÇK-së për t’ia kthyer armën armikut.

Përveç si ushtare, ajo e ka ushtruar edhe profesionin si mjeke.

Ajo ka thënë se në asnjë moment nuk i është frikësuar vdekjes.

“Asnjëherë se kam menduar vdekjen, vrasjen që do të jem e rrezikuar me u kidnapuar, nuk e di nga e kam marrë atë forcë, ndoshta sot nuk e kam”, ka thënë ajo për “ATV”.

Canolli-Kaçiu ka treguar se cilën këngë e këndonin më së shumti në luftë.

“Këngën që më së shumti e kemi kënduar ka qenë ‘Moj Shqipni mos thuaj marova’”, ka thënë ajo.