Islanda është detyruar të mbyllë për vizitorët kanionin Fjadrargljufur, katër vjet pas daljes së videoklipit të Justin Bieber për këngën “I’ll Show You” që e kishte bërë të famshëm këtë kanion në mbarë botën.

Këngëtari kanadez kishte zgjedhur këto peisazhe të virgjra për të shoqëruar baladën e tij, por pas katër vitesh të tëra pelegrinazh, vendi natyror rrezikonte të dëmtohej dhe autoritetet vendosën të ndalojnë hyrjen për vizitorët.

Për të ndjekur rrugëtimin e bërë nga Bieberi në video, fansat e tij nuk hezitonin të ngjiteshin mbi gardhe, të injoronin tabelat në park.

Publiciteti i bërë parkut nga ana e Bieberi është vetëm njëra anë e tendencës së përgjithshme që është interesimi në vitet e fundit për shtetin e Europës së Veriut.

Vitin e shkuar Islanda është vizituar nga 2.3 milionë turistë, ndërkohë që tetë vjet më parë kishte vetëm 600 mijë.