Përkrah Sylvinhos, në konferencë për shtyp para ndeshjes së fundit të Ligës së Kombeve ndaj Ukrainës, u shfaq edhe mbrojtësi Ardian Ismajli.

“Ne do të futemi në fushë vetëm për fitore. Ne do presim që këtë herë të kemi fat për një barazim në ndeshjen tjetër dhe nëse ne fitojmë, mund të dalim në vendin e parë. Merkato? Nuk dua të flas për këtë. Do të shikojmë se çfarë do të ndodhë në janar. Dovbyk? Nuk ka rival të lehtë. E dijmë kualitetin e këtij lojtari por nuk kemi frikë. Në këtë periudhë kemi bërë mirë. Rëndësi ka fitorja. Nuk ka rëndësi se kush shënon. Nëse do jetë nevoja, edhe unë mund të realizoj. Publiku jonë do të jetë një ndihmë e madhe, kushdo që vjen këtu, e ka të vështirë. Jam i sigurt se djemtë do bëjnë maksimumin dhe do shënojnë, pasi është ndeshja më e rëndësishme. Ne do bëjmë më të mirën për kombin”, ka thënë Ismajli.