Istogu është finalisti i parë i plejofit në Superligën e Kosovës në hendboll (femrat). Istogu, që është kampion aktual, në gjysmëfinale e eliminoi Samadrexhën. Fitoren e dytë e shënoi të mërkurën mbrëma në Samadrexhë, me rezultat 33:31.

Ndeshja ishte shumë e fortë dhe interesante, nga fillimi e deri në fund. Në minutën e 57-të rezultati ishte i barabartë 29:29. Më pas Istogu u shkëput në dy gola, 31:29. Samadrexha u afrua në një gol, por pa barazuar më rezultatin.

Esma Muratoviq i shënoi 9 gola për Istogun, derisa Ana Carolina Gomes i realizoi 8.

Sevdanur Ozkan e Fatiha Haimer i kishin nga 7 gola për Samadrexhën.