Istogu më fitore bindëse ka kaluar në finalen e madhe.

Istogaset që nga minuta e parë filluan shkëputjen në rezultat duke treguar që në Vushtrri kanë udhëtuar me synime të qarta – kalimin në finale, gjë të cilën e arritën më lojë të mirë dhe kolektive.

Hendbollistet e trajnerit Faruk Shala po kalojnë në një formë të mirë duke arritur 24 fitore rresht.

Ndeshja e parë finale luhet ditën e shtunë në ora 20:30 në palestrën e qytetit në Istog, ku istogaset presin fituesin e ndeshjes gjysmëfinale Prishtina – Ferizaj.

“Të shtunën pritet përkrahje gjithë qytetare e istogasve, që janë lojtari i 8 i KHF Istogut, për të cilën ju jemi shumë mirënjohës.
Ju faleminderit!”, thuhet në njoftimin e KHF Istogu.