Izet Abdyli boton librin e 17
Ka dalë nga shtypi libri i 17 me radhë i autorit Izet Abdyli.
“Ky libër i Izet Abdylit përmban publicistikë të përbërë (udhëpërshkrime dhe rrëfime) dhe krijimtari nga letërsia artistike (tregime). Shtegtimet e tij dhe të shokëve të tij nëpër vise të ndryshme shqiptare, edhe bisedat e tyre për tema të ndryshme, janë trajtuar shkurt dhe gjatë. Ka, në këtë libër, edhe copëza të rrëfimeve e të përjetimeve nga jeta e autorit që nga mosha e rinisë e deri në ditët e sotme. Abdyli me udhëpërshkrimet për viset shqiptare ka hartuar një guidë të vogël për turistë, ndërsa me rrëfimet dhe tregimet ka shpalosur dromca të historisë së Kosovës, të vetat dhe të bashkëkombësve”, ka shkruar botuesi Berat Armagedoni.
Shënime për autorin
Izet Abdyli lindi më 26.02.1961. Shkollimin fillor e kreu në vendlindje, Gjimnazin në Gllogoc, Fakultetin Juridik në Prishtinë, studimet pasuniversitare në Fakultetin Filozofik në Prishtinë, në të cilin mori titullin Master i Arkivistikës. Është fitues i dhjetëra shpërblimeve në konkurse letrare. Është paraqitur në shumë antologji të poezisë. Shkruan poezi, prozë dhe shkrime publicistike. Nga viti 2014 kryetar i Asociacionit të Letrarëve dhe Artistëve Art Club “Rifat Kukaj” Drenas.
Krijimtaria letrare dhe publicistike:
- Fjalë zemre, poezi, botues autori, 1995
- Prelud poetik poezi, Pena, 1997
- Kur vjeshta shkund pikëllimin, Rozafa, 2005
- Ne mes jetës dhe vdekjes – fletëza ditari lufte, publicistikë, Rozafa, 2008
- Zogu i dritës, poezi për fëmijë, Ars Club Beqir Musliu, 2012
- Ata që panë vdekjen me sy, publicistikë, Olymp, 2014
- Farfuri dashurie, poezi, Olymp, 2015
- Magjia e artit dhe fjalës, vështrime dhe recensione, Art Club Rifat Kukaj, 2016
- Lirinë dikush po e vret, Art Club Rifat Kukaj, 2017
- Gri, poezi, Art Club Rifat Kukaj, 2018
- Fundi i perandorëve, poezi, Art Club Rifat Kukaj, 2018
- Biblioteka, arkivi dhe trashëgimia kulturore, Art Club Rifat Kukaj, 2019
- Siari, poezi për fëmijë, Art Club Rifat Kukaj, 2020
- Rituale të paturpshme, poezi, Art Club Rifat Kukaj, 2021
- Shprush kujtimet, poezi, Art Club Rifat Kukaj, 2021
- Leksikoni i shkrimtarëve të Drenicës, Art Club Rifat Kukaj, 2022
- Udhëpërshkrime, rrëfime, tregime, Armagedoni, 2022