Izraeli ka nisur një operacion për të testuar qytetarët e tij nëse janë të prekur nga koronavirusi përmes një rrjeti kabinash të vendosura në rrugë të cila kanë zero kontakt mes mjekut dhe pacientit.

Autoritetet izraelite janë shprehur të gatshme ta ndajnë me vendet e tjera këtë mënyrë testimi, i cili kushton pak dhe është i lehtë për t’u ndërtuar për të ndihmuar në luftën kundër Covid-19.

Kabinat e prodhuara nga kompanitë e kujdesit shëndetësor, së bashku me partnerë civilë dhe ushtarakë ofrojnë një ambient steril për mjekun dhe pajisjet mund të dezinfektohen me shpejtësi nga njëri pacient tek tjetri.

Rezultatet e testit dalin për disa orë dhe i dërgohen pacientit përmes të dhënave të tij elektronike shëndetësore.A2