Izraeli ka zbuluar datën e prezantimit të një arme laserike 500milionë dollarëshe, të quajtur Rrezja e Hekurt, e cila përdor shpërthime drite jashtëzakonisht të përqendruara për të rrëzuar raketa dhe dron pa kosto për një të shtënë.

Rrezja e Hekurt, e prodhuar nga kompanitë izraelite të mbrojtjes Rafael dhe Elbit, do të jetë në gjendje të lëshojë rreze drite me energji midis 100 kW dhe 150 kW në caqet disa kilometra larg me saktësi të madhe.

Ka gjithashtu një rreze dytësore më të vogël, të cilën mund ta përdorë kundër dronëve nga një distancë prej 100 deri në 2000 metra, transmeton Telegrafi.

IDF, pasi ka nënshkruar marrëveshjen shumë-milionëshe me dy kompanitë, është vendosur të prezantojë Rrezen e Hekurt në Izrael më 28 tetor të vitit të ardhshëm.

Ndërsa Izraeli po planifikon të integrojë Rrezën e Hekurt në infrastrukturën e tij ekzistuese të mbrojtjes, që tashmë besohet të jetë ndër më të avancuarat në botë, Rrezja e Hekurt pritet të ulë koston e mbrojtjes së kombit.

Mediat izraelite raportojnë se një intervenim i vetëm i Kupolës së Hekurt mund të kushtojë rreth 50,000 dollarë, duke e bërë atë një sistem të pabesueshëm të shtrenjtë për t’u operuar.

Por Rrezja e Hekurt do të kushtojë vetëm ‘disa dollarë’ për t’u ndezur, duke e bërë atë shumë më të lirë për t’u përdorur.

Përfitime të tjera përfshijnë nevojën për më pak personel ushtarak për të operuar dhe lëvizur armën, duke e bërë më të lehtë fshehjen.