239 ndeshje në total. Kaq herë janë përplasur me njëri-tjetrin Real Madridi dhe Barcelona. Nga këto, 95 fitore i takojnë skuadrës së bardhë, 94 skuadrës katalanase dhe 50 barazime.

Nëse Barcelona fiton sonte, ajo do të barazojë bilancin total të “El Clasico”, diçka që nuk ndodh prej 23 gushtit 2012, kur katalanasit fituan 3-2 në ndeshjen e parë të Superkupës së Spanjës. Asokohe u vendos një balancë momentale në bilancin e fitoreve mes të dy rivalëve (87-87).

Dymbëdhjetë herë – Kjo do të jetë e trembëdhjeta herë, në të cilën të dyja klubet do të përballen me njëri-tjetrin në mes të kampionatit spanjoll. Në të dymbëdhjetë herët e mëparshme, Barcelona dhe Real Madridi kanë qenë nga gjashtë herë fitimtarë, kështu që në këtë konfrontim do të thyhet ky ekuilibër historik.

Gjysmëfinalet – Kjo do të jetë ndeshja e shtatë midis dy ekipeve në fazën e parafundit të Kupës së Mbretit. Barcelona ka arritur në finale dy herë (1954 dhe 1959), ndërsa Real Madridi e bëri këtë katër herë (1916, 1943, 1993 dhe 2013). Nga këto gjashtë përplasje në këtë raund të Kupës së Mbretit, vetëm dy herë fituesi i gjysmëfinales përfundoi duke marrë edhe trofeun (Barcelona në vitin 1959, kundër Granada, dhe Real Madridi në vitin 1993, kundër Zaragoza).

26 në total – Real Madridi dhe Barcelona janë përballur me njëri-tjetrin në 26 ndeshje “dyfishe” (12 në Kupën e Mbretit, 4 në Kupat Evropiane, 7 në Superkupën Spanjolle dhe 3 në Kupën e Ligës). Bilanci favorizon Real Madridin, i cili i ka mundur katalanasit në 15 ballafaqime dhe u eliminua në 11 të tjera.

Së pari në shtëpi – Real Madridi e ka filluar me dhjetë ndeshje “të dyfishta” ndaj Barcelonës, larg shtëpisë (3 në Kupën e Mbretit, 1 në Kupat Europiane, 4 në Superkupën Spanjolle dhe 2 në Kupën e Ligës). Ai e mposhti rivalin katalanas në tetë ndeshje (80%) dhe u mposht vetëm dy herë (viti 1986, në Kupën e Ligës, dhe në sezonin 1996-1997 në Kupën e Mbretit).

Fitore në ndeshjen e parë – Fitimi i ndeshjes së parë është me rëndësi të jashtëzakonshme në përballje të dyfishta (vajtje-kthim), veçanërisht nëse fituesi i kësaj ndeshjeje fillestare është Real Madridi. Të bardhët u kualifikuan në 12 nga 17 raste të mundshme (71%), kur fituan ndeshjen e parë. Vetëm pesë përjashtime ndodhën: në vitin 1916, 1943, 1954 dhe 1962, në Kupë, dhe në vitin 1997, në Superkupë. Barcelona fitoi vetëm një nga ato pesë ndeshjet e kthimit (Kupë, viti 1954), ndërsa katër të tjerat shkuan në favor të Real Madridit.

Messi – Argjentinasi ka shënuar në nëntë ndeshjet e fundit dhe është vetëm një ndeshje larg të qenit më i miri lojtar te Barça (të shënojë në dhjetë ndeshje radhazi), në periudhën mes dhjetorit 2012 dhe janarit 2013. Ai ka shënuar 11 gola në 17 klasike të luajtura në “Camp Nou” dhe 15 gola në 19 klasike të luajtura në “Santiago Bernabéu”.

Bale – Ai është vetëm një gol larg arritjes së shifrës 100 në këtë drejtim, në ndeshjet zyrtare, si lojtar i Real Madridit, një kuotë që vetëm 20 lojtarë e kanë ardhur para tij. Uellsiani është përballur me Barcelonën 11 herë dhe ka shënuar vetëm 2 gola.

Sergio Ramos – Në qoftë se luan në të dyja klasiket e Kupës së Mbretit, por edhe atë të La Liga-s, në mars, kapiteni i të bardhëve do të barazohet me Francisco Gento, Manolo Sanchis dhe Xavi Hernandez, si lojtari me më shumë “El Clasico” (42).

Solari – Trajneri i “Los Blancos” luajti tetë klasike se lojtar (3 fitore, 3 barazime dhe 2 humbje, duke shënuar një gol). Ndonëse Ernesto Valverde luajti dy sezone te Barcelona (1988-89 dhe 1989-90), ai kurrë nuk kishte shansin të luante një “El Clasico”.