Jetlir Zyberaj, këshilltari i ministrit të Punëve të Jashtme të Kosovës ka treguar se shteti turk u kishte kërkuar mbylljen e shkollave gyleniste.

Në takim me zëvendëskryeministrin e Kosovës Behgjet Pacolli, kryeministri turk Binali Yıldırım, kishte kërkuar mbylljen e shkollave gyleniste dhe arrestimin e disa qytetarëve që ata i quanin terroristë.

Zymberaj tregoi në “T7” se një kërkesë e tillë ishte refuzuar nga Pacolli.

“Qytetarët që ju pretendoni që kanë kryer vepra penale janë qytetarë që i respektojnë ligjet e Kosovës dhe ju jeni të vetëdijshëm se ne jemi në marrëdhënie kontraktuale me BE dhe synimi jonë është integrimi në BE dhe nuk mund të ndërmarrim veprime kundër personave që i respektojnë ligjet tona”, citoi Zymberaj Pacollin t’i ketë thënë Yıldırım.