Christian Eriksen dhe drama që përjetoi në “Euro 2020” bënë xhiron e botës, imazhe që vështirë se do të harrohen nga tifozët. Fantazisti danez ka lënë pas atë histori trishtuese, tani është koha për të parë nga e ardhmja dhe të rikthehet të bëjë atë që dëshiron më shumë, të luaj futboll.

Zyrtarisht Eriksen është ende nën kontratë me Interin, por danezi e ka të pamundur të luaj në Serie A për shkak të ligjeve në Itali.

Sipas “Corriere dello Sport”, Erikseni dhe Interi po shkojnë drejtë zgjidhjes së kontratës, për të bërë të mundur që danezi të transferohet në Holandë. Gjithnjë sipas të përditshmes italiane, Erikseni do të transferohet tek Ajax, skuadër ku aktivizohet një tjetër lojtar me probleme kardiake si Daley Blind.