Java e fundit e marsit si gjithmonë sjell edhe ndryshimin e orës në natën mes të shtunës dhe të dielës (24-25 mars) fillon llogaritja verore e kohës.

Sipas kësaj llogaritje, ora do të shkojë 60 minuta përpara.

Momenti zyrtar i ndërrimit të orës është pikërisht në orë 02:00, atëherë kur akrepat kalojnë 60 minuta para, duke shënuar orën 03:00.

Dy herë në vit orët tona ndryshojnë për një orë dhe njerëzit fitojnë ose humbin një orë gjumë.

Këtë vit, e diel më 25 mars shënohet fillimi i llogaritjes verore të kohës. Prej vitit 1981 është vendosur ndryshimi i orës, që përfshin të gjithë Evropën, ku në shumë shtete të saj, akrepat e orës lëvizin 60 minuta përpara.

Norma evropiane përcakton në mënyrë të qëndrueshme datat e fillimit të periudhës së orës verore, ku akrepat lëvizin 60 minuta para dhe orës dimërore kur ata lëvizin 1 orë pas. Llogaritja dimërore do të rifillojë nga e diela e fundit e tetor (28 tetor).